Թուրքիայի նախագահի թեկնածու Օղանը` Զանգեզուրի միջանցքի մասին
Թուրքիայում կայացած նախագահական ընտրությունների նախկին թեկնածու Սինան Օղանը X սոցիալական ցանցի իր էջում հետևյալ գրառումն է արել. «Պատմությունը կվերադառնա ակունքներին, Զանգեզուրի միջանցքն անշուշտ բացվելու է»։
Մեկ այլ հրապարակման մեջ գրել է. «Ստեփանակերտը Թյուրքական աշխարհի հպարտությունն է»։ Այս գրառումն ուղեկցվում է Սինան Օղանի լուսանկարով ՝ Ադրբեջանի պետական դրոշի ֆոնին։
Հիշեցնենք՝ Թուրքիայում մայիսի 28-ին կայացած նախագահական ընտրությունների երկրորդ փուլում Սինան Օղանը սատարել է Էրդողանին:
Սինան Օղանը ծայրահեղ ազգայնամոլ և պանթյուրքիստ է, ադրբեջանական լոբբիստ Թուրքիայում և հայտնի հակահայ։
