Բացահայտվել են մսից հրաժարվելու հետևանքները
Սննդաբան Ելենա Տիխոմիրովան Life-ին տված հարցազրույցում բացահայտել է մսից ամբողջությամբ հրաժարվելու հետևանքները։ Նրա խոսքով, ինչպես կենդանիների, այնպես էլ թռչունների միսը պարունակում է մեծ քանակությամբ վիտամիններ և սննդարար նյութեր։
«Պետք է հիշել, որ կենդանիներն ու թռչունները երկաթի կրողներ են, և նրանց լյարդը նույնպես մեծ քանակությամբ վիտամին B12 է պարունակում: Ուստի, երբ մարդը որոշում է միս չուտել, ժամանակի ընթացքում ի հայտ է գալիս երկաթի անբավարարություն, որը շատ դանդաղ է զարգանում»,- ըստ shantnews-ի՝ ասաց մասնագետը։
Նա բացատրեց, որ ժամանակի ընթացքում դա անեմիա է առաջացնում, որի հետևանքները կարող են լինել թուլությունը, ուղեղի և մկանների վատ աշխատանքը, իսկ նրանց համար, ովքեր ծրագրում են շուտով մայրանալ, հղիության ընդհատման վտանգը զգալիորեն մեծանում է։
Տիխոմիրովան նաև նշել է, որ մարզիկների համար մսից հրաժարվելը հանգեցնում է նրան, որ նրանց համար դժվարանում է մարզվելը, երեխաների համար, ովքեր սնունդ չեն օգտագործում, դժվարանում է սովորելը։ Միաժամանակ բժիշկը պարզաբանել է, որ երկուսից երեք ամիս ժամկետով մսից ժամանակավոր հրաժարվելը չի վնասի առողջությանը։
