Մեղրով տորթի պատրաստման ամենահեշտ բաղադրատոմսը

Բաղադրիչներ

1. Շաքարավազ – 1 բաժակ

2. Ձու – 4 հատ

3. Սոդա – 2 ճ/գ

4. Ալյուր – 3 բաժակ

5. Բուսական յուղ

6. Մաքրած ընկույզ – 40 հատ

7. Մեղր – 1 բաժակ

8. Շաքարավազ – 0.75 բաժակ

9. Յուղոտ թթվասեր – 400 գ

Պատրաստման եղանակը

1. Սկզբում ընկույզը մանր կտրատել, ապա լավ հարել ձվերը, մեղրն ու շաքարավազը։ Ստացված զանգվածը և ընկույզը խառնել, այնուհետև ավելացնել սոդան և ալյուրը:

2. Թասը ծածկել սննդային թաղանթով և թողնել տաք սենյակում 3-4 ժամ։

3. Պատրաստի խմորը բաժանել երեք հավասար մասերի, կորժեր ձևավորել: Յուրաքանչյուր կորժը թխել 7 րոպե, 200 աստիճան ջեռոցում:

4. Կրեմը պատրաստելու համար թթվասերը հարել շաքարավազի հետ:

5. Ստացված կրեմով պատել տորթի կորժերը: Նախքան մատուցելը տորթը մի քանի ժամ դնել սառնարանը:

Պատրաստեց Անի Գաբուզյանը