«Ադրբեջանն առաջ է քաշել ինչ-որ X պահանջներ, ինչի վերաբերյալ ենթադրաբար կա նախնական համաձայնություն». Վահե Հակոբյան
8–րդ գումարման Ազգային ժողովի «Հայաստան» խմբակցության պատգամավոր Վահե Հակոբյանն այսօր լրագրողների հետ զրույցում անդրադառնալով շուրջ 3 ամիս ՀՀ տարածքում թշնամու գտնվելու փաստին՝ ասաց.
«Իշխանությունն առնվազն պետք է իշխանություն լինի, որպեսզի ինչ-որ քայլեր անի։ Այսինքն՝ այդ քայլերը դեռ մայիսի սկզբին պետք արվեին, երբ Ադրբեջանի ԶՈՒ-ն ներխուժեց Սև լճի տարածք»:
Պատգամավորը նկատում է՝ հիմա շատ դժվար է լինելու ադրբեջանցիներին ՀՀ տարածքից հանել․
«Իրենք առաջ են քաշել ինչ-որ X պահանջներ, ինչի վերաբերյալ միգուցե, ենթադրաբար կա նախնական համաձայնություն և ինչ-ինչ պատճառով այդ ենթադրաբար համաձայնությունը հիմա չի կատարվում: Իմ կարծիքով՝ դրանով է պայմանավորված վերջին ժամանակահատվածում ադրբեջանական ԶՈՒ-ի ակտիվությունը ՀՀ սահմանների վրա…»:
Հարցին՝ հանգուցալուծումն ինչպե՞ս եք պատկերացնում, Վահե Հակոբյանը պատասխանեց.
«Հանգուցալուծում չի լինի, քանի այս իշխանությունը երկրի ղեկի մոտ է…»:
Վերջում ընդդիրմադիր պատգամավորն ընդգծեց, որ իրենց անհանգստացնում է Ադրբեջանի Զինված ուժերի ակտիվությունը:
