Բուֆֆոն, Ինիեստա, Ռիբերի․ 35+ տարեկան լավագույն ֆուտբոլիստների խորհրդանշական հավաքականը

«Ծերուկ» ֆուտբոլիտներ, ովքեր մինչ օրս խաղում են և պահում են իրենց կարգը։

Դարպասապահ՝ Ջանլուիջի Բուֆֆոն

Բուֆֆոնը այժմ 42 տարեկան է, և նա դեռ խաղում է թոփ ակումբում՝ կրկին պայքարելով հերթական Սերիա Ա-ի և բաղձալի Չեմպիոնների լիգայի համար։

Նա բազմիցս հայտարարել է իր կարիերան ավարտելու մասին, և նույնիսկ տեղափոխվել էր ՊՍԺ՝ պատրվակով, որ վերջապես կավարտի կարիերան, բայց, այնուամենայնիվ, նա վերադարձավ «Յուվենթուս»։

Կենտրոնական պաշտպան՝ Պեպե

Մի քանի տարի առաջ, երբ Պեպեն խաղում էր «Ռեալում», նա աշխարհի լավագույն պաշտպաններից մեկն էր: Դե, երբ 2017 թվականին նա մեկնեց «Բեշիքթաշ», շատերը մոռացան նրա մասին, և թե որտեղ է նա այժմ խաղում, քչերը գիտեն: Իսկ հիմա նա 37 տարեկան է և խաղում է «Պորտուում», իրականում սա այն ակումբն է, որտեղ նա հայտնի դարձավ:

Կենտրոնական պաշտպան՝ Կյելինի

Կյելինին կարող է ընդգրկվել նաև հայրենասերների թիմում, քանի որ իր 36 տարիների ընթացքում երբեք չի խաղացել արտասահմանյան ակումբներում, ավելին, մինչ այժմ փոխել է ընդամենը երեք ակումբ: Եվ հիմա նա խաղում է «Յուվենթուսի» հիմնական կազմում՝ որպես կենտրոնական պաշտպան:

Ձախ պաշտպան՝ Յուրի Ժիրկով

Ռուս ֆուտբոլիստը արդեն ծերուկ է, բայց դեռ համարվում է իր երկրի հեղինակավոր ֆուտբոլիստներից մեկը։ Յ
ուրին Ռուսաստանի ազգային հավաքականի և Ռուսաստանի Պրեմիեր լիգայի ամենահին խաղացողներից մեկն է: Այս պահին նա 37 տարեկան է, և, ըստ ամենայնի, չի պատրաստվում ավարտել կարիերան:

Աջ պաշտպան՝ Դանի Ալվես

Ալվեսը այժմ 37 տարեկան է և վերջերս տեղափոխվել է բրազիլական «Սան Պաուլու» ակումբ ՝ ակնհայտորեն կարիերան ավարտելու համար: Նախկինում Ալվեսը նվաճում էր եվրոպական տարբեր բարձրակարգ ակումբներ, ինչպիսիք են «Բարսելոնան», «Յուվենթուսը», ՊՍԺ-ն:

Հենակետային կիսապաշտպան՝ Ֆերնանդինյո

Այս պահին Ֆեռնանդինյոն 35 տարեկան է: Նախկինում նա 8 տարի խաղացել է «Շախտյորում», որից 2013 թվականին տեղափոխվել է «Մանչեսթեր Սիթի», որտեղ մինչ օրս փայլում է:

Կենտրոնական հարձակվողական կիսապաշտպան՝ Ինիեստա

Կենտրոնական հարձակվողական ոճի կիսապաշտպանի դիրքում հայտնի Ինիեստան է: Նա այժմ 36 տարեկան է: Նա գրեթե ամբողջ կարիերան խաղում էր «Բարսելոնայում» և ավագն էր, բայց 2018 թվականից մինչ օրս նա խաղում է ճապոնական «Վիսել Կոբե» ակումբում և, ամենայն հավանականությամբ, այնտեղ կավարտի կարիերան:

Ձախ կիսապաշտպան՝ Ռիբերի

Ռիբերին այժմ 37 տարեկան է: Իր կարիերայի մեծ մասն անց է կացրել «Բավարիայում»: 2019 թվականից մինչ օրս նա խաղում է «Ֆիորենտինայում»: Քչերը գիտեն, որ 2005 թվականին նա մոտ մեկ տարի անցկացրել է թուրքական «Գալաթասարայում»:

Աջ կիսապաշտպան՝ Կուարեժմա

Կուարեժման շատ հետաքրքիր կարիերա է ունեցել, քանի որ նա երբեք 4 տարիից ավելի երկար չի մնացել ոչ մի տեղ: Ընդհանուր առմամբ, նա անցավ ամբողջ աշխարհով։ Հայտնի ակումբներից է «Բարսելոնան», «Ինտերը», «Չելսին», «Պորտուն»: Այժմ 37 տարեկան է և խաղում է պորտուգալական «Վիտորիա» ակումբում:

Կենտրոնական հարձակվող՝ Իբրահիմովիչ

Զլատանն այժմ 39 տարեկան է, փայլում է «Միլանում», իսկ իր կարիերայի ընթացքում խաղացել է գրեթե բոլոր մեծ ակումբներում։ Նա խաղացել է «Այաքսում», «Յուվենթուսում», «Ինտերում», «Բարսելոնայում», ՊՍԺ-ում, «Միլանում», «Յունայթեդում»: Մի անգամ նա նույնիսկ մեկնել է Ամերիկա, ինչպես բոլորը կարծում էին, որ ավարտի կարիերան, բայց նա զարմացրեց բոլորին և վերադարձավ «Միլան»:

Կենտրոնական հարձակվող՝ Ռոնալդու

Ռոնալդուի մասին շատ ասելիք չկա։ Նա 35 տարեկան է, խաղում է եվրոպական թոփ ակումբներից մեկում՝ «Յուվենթուսում», շարունակում է շատ գոլեր խփել, դառնալ լավագույնը և կարծես չի էլ մտածում ծերանալու և կարիերան ավարտելու մասին։

Սիրարփի Աղաբաբյան