Միանում եմ Վազգեն Մանուկյանի հայտարարությանը. Դավիթ Շահնազարյան․ «Անկախ»
Դավիթ Շահնազարյանը, որ օրերս գտնվում է առաջնագծում, հայտարարել է, որ միանում է Հանրային խորհրդի նախկին նախագահ, ՀՀ Պաշտպանության նախկին նախարար Վազգեն Մանուկյանի այսօր արված հայտարարությանը և վերահաստատում է հոկտեմբերի 3-ի իր հայտարարությունը: Այս մասին տեղեկացնում է Անկախ կայքը։
Հիշեցնենք, որ հոկտեմբերի 3-ին Շահնազարյանը հայտարարություն էր տարածել, որում ասվում էր.
Սեպտեմբերի 27-ին Ադրբեջանի կողմից պատերազմի սանձազերծումը Փաշինյանի իշխանության երկուսուկես տարվա գործունեության ուղղակի արդյունքն է:
Չնայած հայ զինվորի հերոսական դիմադրությանը` վիճակն օրհասական է:
Փաշինյանը հեղափոխականների իր ողջ քաղաքական թիմի հետ պետք է անհապաղ հեռանա:
Միայն այս ճանապարհով է հնարավոր պայմաններ ստեղծել գոնե մեղմելու Արցախի Հանրապետության և Հայաստանի Հանրապետության դեմ ծավալվող ռազմական, ինչպես և արտաքին ու ներքին քաղաքական կործանարար զարգացումները:
