Լավրովն ու Չավուշօղլուն ընդգծել են մոսկովյան հայտարարության դրույթները կատարելու անհրաժեշտությունը
Թուրքական կողմի նախաձեռնությամբ հոկտեմբերի 11-ին կայացել է Ռուսաստանի արտաքին գործերի նախարար Սերգեյ Լավրովի և Թուրքիայի արտաքին գործերի նախարար Մևլութ Չավուշօղլուի հեռախոսազրույցը: Այս մասին հայտնում է ՌԴ արտաքին գործերի նախարարության պաշտոնական կայքը:
Նշվում է, որ զրույցի ընթացքում մտքեր են փոխանակվել Մոսկվայում հոկտեմբերի 9-10 կայացած եռակողմ բանակցությունների արդյունքներով Լեռնային Ղարաբաղի հակամարտության գոտում առկա իրավիճակի վերաբերյալ: Ընդգծվել է Ռուսաստանի, Հայաստանի և Ադրբեջանի արտաքին գործերի նախարարների՝ հոկտեմբերի 10-ի համատեղ հայտարարության բոլոր դրույթները խստորեն կատարելու անհրաժեշտությունը:
Ռուսական կողմը հաստատել է ԼՂ հակամարտության կարգավորմանն ուղղված ակտիվ միջնորդական ջանքերը շարունակելու պատրաստակամությունը՝ հաշվի առնելով մոսկովյան հայտարարության դրույթները:
