«Բաքվում ստում են». Սիրիայի քրդական կուսակցությունը հերքում է հայկական կողմից ԼՂ հակամարտությունում քրդեր ներգրավելու մասին Ադրբեջանի հայտարարությունը
Սիրիայի քրդական կուսակցության ներկայացուցիչը հերքել է Ադրբեջանի պետական անվտանգության ծառայության հայտարարությունն այն մասին, թե Հայաստանը Ղարաբաղի շփման գծում տեղի ունեցող մարտերում օգտագործում է Իրաքից և Սիրիայից վարձկանների, РИА Новости-ին ասել է Սիրիայի քրդական ժողովրդավարական միություն կուսակցության ներկայացուցիչ Աբդուսալամ Ալին:
Ավելի վաղ Ադրբեջանի պետական անվտանգության ծառայությունը հայտարարել էր, որ գաղտնալսել է Ղարաբաղում ռազմական գործողություններին մասնակցած վարձկանների բանակցությունները:
«Դրանք բացարձակապես սուտ հայտարարություններ են», – ասել է գործակալության աղբյուրը:
«Եթե նկատի ունենք քրդերին, ապա նրանք բավականին շատ սեփական խնդիրներ ունեն որոնցով զբաղվում են այլ ոչ թե պայքարում Հայաստանի կողմից», – ավելացրել է Սիրիայի քրդական «Ժողովրդավարական միություն» կուսակցության ներկայացուցիչը:
Ըստ նրա՝ Թուրքիային ձեռնտու կլիներ վարձկաններ ներգրավելու գաղափարի առաջխաղացումը, որպեսզի Անկարան արդարացնի իր կողմից իրականացված միջամտություններն Ադրբեջանի կողմից:
