«Արարատ-Արմենիա» – «Ցրվենա Զվեզդա»․ պատմական արդյունքի հետևից
Մրցաշար` Եվրոպա լիգա
Վայր` Կիպրոս
Ժամ` 21։00
«Արարատ-Արմենիան» այսօր կարող է պատմական նվաճման հասնել՝ հայկական ֆուտբոլի պատմության մեջ առաջին անգամ դուրս գալով Եվրոպայի լիգայի խմբային փուլ։
Խաղը պետք է անցկացվեր Հայաստանում, սակայն երկրում հայտարարաված ռազմական դրության պատճառով խաղը տեղափոխվել է Կիպրոս։
«Արարատ-Արմենիա»
Հայաստանը ներկայացնող թիմը ստեղծվել է 2017 թվականին։ Կարելի է ասել, որ գրեթե անմիջապես այս թիմը սկսեց հաջող հանդես գալ ներքին առաջնությունում: Անցած մրցաշրջանում թիմին հաջողվեց ոսկե մեդալներ նվաճել:
Նոր առաջնությունում «Արարատ-Արմենիան» դեռ հաջող չի գործում: Թիմը չկարողացավ հաղթել երեք հանդիպումներից որևէ մեկը: Այժմ Դավիդ Կամպանյայի սաները կենտրոնացած են բացառապես Եվրոպա լիգայի որակավորման փուլում իրենց ելույթների վրա, որտեղ նրանք արդեն հասցրել են հաղթել «Ֆոլային» (4:3) և «Ցելեին» (1:0):
«Արարատ-Արմենիաին» հանդես կգա հետևյալ մեկնարկային կազմով՝ Չուպիչ, Հումանես, Վակուլենկո, Մենեզես, Ալեմաո, Շահինյան, Գուֆրան, Լիմա, Սանոգո, Նարսինգ, Ջեյսոն:
«Ցրվենա Զվեզդա»
Դեյան Ստանկովիչի սաները վստահ հանդես եկան Չեմպիոնների լիգայի որակավորման փուլում ՝ հաղթելով «Եվրոպային» (5:0) և «Տիրանային» (1:0): Ճիշտ է, սեպտեմբերի 16-ին «Ցրվենա Զվեզդան» ձախողվեց ՝ զիջելով «Օմոնիային» (1:2): Այժմ թիմը պետք է կենտրոնանա այն բանի վրա, թե ինչպես նվաճել Եվրոպայի լիգայի խմբային փուլում խաղալու իրավունքը:
Սերբիայի առաջնության շրջանակներում «Ցրվենա Զվեզդան» չեմպիոնության համար պայքարում լուրջ մրցակից չունի: Խաղացված ինը տուրից հետո թիմն ունի 100% արդյունք:
«Ցրվենա Զվեզդայի» մեկնարկային կազմն է՝ Բորյան, Գայիչ, Դեգենեկ, Պանկով, Ռոդիչ, Նիկոլիչ, Կանգա, Կատաի, Իվանիչ, Ֆալցինելի, Ֆարդու Բեն
Վիճակագրություն
- «Արարատ-Արմենիան» 10 վերջին տնային խաղերից 4-ում հաղթել է
- «Ցրվենա Զվեզդան» վերջին 10 արտագնա հանդիպումներից 7-ում ավելի ուժեղ է գտնվել
- Վերջին երկու հանդիպումներում «Ցրվենա Զվեզդան» խփել է տասը գնդակ
«Ցրվենա Զվեզդան», պարտվելով Չեմպիոնների լիգայի որակավորման փուլում, ամեն ինչ կանի, որպեսզի վերականգնվի և իրավունք ստանա շարունակել ելույթները եվրոպական մրցումներում: Թիմի կարգը նկատելիորեն բարձր է, քան «Արարատ-Արմենիայինը»: Սակայն վերջին խաղերում հայկական ակումբը ապացուցում է, որ կարող է հասնել արդյունքի համառության և մինչև վերջ պայքարելու արդյունքում։
Սիրարփի Աղաբաբյան
