Օրակարգում ընդգրկված են նաև Հայկական ատոմակայնի նոր էներգաբլոկի շահագործման հետ կապված հարցեր
Ֆինասների նախարար Վաչե Գաբրիելյանի, ԱՄՆ պետքարտուղարի տեղակալի օգնական Էրիկ Ռուբինի և Եվրոպայում և Եվրասիայում ԱՄՆ օգնության կորդինատոր Դենիել Ռոզենբլյումի նախագահությամբ այսօր Երևանում մեկնարկել է հայ-ամերիկյան միջկառավարական հանձնաժողովի հերթական նիստը:
Նիստի օրակարգում ընդգրկված են արդար մրցակցության, հարկային և մաքսային քաղաքականության միջոցով գործարարության խթանման համար բարենպաստ միջավայրի ձևավորման հետ կապված հարցեր:
Հետաքրքիր է, որ հանձնաժողովի օրակարգում ընդգրկված են նաև Հայկական ատոմակայնի նոր էներգաբլոկի շահագործման հետ կապված հարցեր: Նախատեսվում է, որ քննարկումների արդյունքում կստորագրվի հուշագիր երկու երկրների միջև էներգետիկայի ոլորտում հնարավոր համագործակցության վերաբերյալ:
