Նախագահ Հարությունյանն այցելել է Ջերմուկի տարածաշրջանում գործող տոհմային անասնապահական ֆերմա
Արցախի Հանրապետության Նախագահ Արայիկ Հարությունյանը գյուղատնտեսության նախարար Աշոտ Բախշիյանի ուղեկցությամբ այցելել է «Երեմյան Փրոջեքթս» ընկերության՝ Ջերմուկի տարածաշրջանում գործող տոհմային անասնապահական ֆերմա՝ ծանոթանալու արտադրության գործընթացին և ծրագրերին։
Այս մասին Նախագահ Հարությունյանը տեղեկացրել է ֆեյսբուքյան իր էջում կատարած գրառմամբ:
«Հետաքրքիր էր «Սերմից՝ սեղան» հայեցակարգը, որը դրված է ընկերության գործունեության հիմքում: Մեր երկրի պարենային անվտանգությանն ուղղված աշխատանքներում, կարծում եմ, արժե հաշվի առնել այդ սկզբունքը:
Ընկերության գլխավոր տնօրեն Դավիթ Երեմյանի հետ քննարկել ենք մի շարք հարցեր, որոնք առնչվում են գյուղատնտեսության ոլորտի զարգացմանը ու ներդրումային ծրագրերին, ֆերմերային տնտեսությունների նախագծերի իրականացման հեռանկարներին և այլն»,- գրել է Ա. Հարությունյանը:
