Ով է ՀՀ ՊՆ ռազմական ոստիկանության նորանշանակ պետ Աշոտ Զաքարյանը
ՀՀ նախագահ Արմեն Սարգսյանի հրամանագրով՝ Աշոտ Զաքարյանը նշանակվել է ՀՀ ՊՆ ռազմական ոստիկանության պետ։
Ա. Զաքարյանը ծնվել է 1966-ին։ Մասնակցել է ՀՀ եւ ԼՂՀ ինքնապաշտպանական մարտական գործողություններին։
1993-ին ընտրվել է Գյումրիի քաղաքային խորհրդի պատգամավոր։
1993-ին նշանակվել է ՀՀ ՊՆ ՌՈ Շիրակի կայազորի բաժնի պետի տեղակալ։ 1994-ին սովորել է Ֆրանսիայի ժանդարմերիայի բարձրագույն ուսումնական կենտրոնում։
1995-ին նշանակվել է ՀՀ ՊՆ ՌՈ Շիրակի կայազորի բաժնի պետ։
Ա. Զաքարյանը ունի գնդապետի զինվորական կոչում։ Ամուսնացած է, ունի երկու զավակ։
Նշենք, որ 2008-ի փետրվարի 19-ին տեղի ունեցած նախագահական ընտրությունների ժամանակ Աշոտ Զաքարյանը հանդիսացել է ՀՀ նախագահի թեկնածու Լեւոն Տեր-Պետրոսյանի Գյումրու նախընտրական շտաբի պատասխանատուն։ ՀԱԿ անդամ էր։
