Եվրահանձնաժողովը եվրոգոտու բոլոր բանկերը վերահսկող մեխանիզմ է ստեղծել
Եվրահանձնաժողովի ղեկավար Ժոզե Մանուել Բարոզուն առաջարկել է ստեղծել նոր միասնական մեխանիզմ, որը կվերահսկի եվրոգոտու բոլոր բանկերը, գրում է Euromag-ը:
Իր խոսքում Բարոզուն ընդգծել է, որ նոր մարմնի ստեղծումն ուղղակի անհրաժեշտություն է, քանի որ «հին մեթոդներն այլևս չեն գործում»:
Նա նաև նշել է, որ ներկայիս տնտեսական ճգնաժամը Հին աշխարհամասում նպաստում է պոպուլիզմի և էքստրեմիզմի զարգացմանը:
Ըստ Եվրահանձնաժողովի անդամների կարծիքի` բանկային բարեփոխումները թույլ կտան արագ լուծել տնտեսական խնդիրները:
