Իշխանասարի խաչմերուկում ավտոմեքենաներ են բախվել
Փետրվարի 11-ին, ժամը 13:39-ին Ճգնաժամային կառավարման ազգային կենտրոն ահազանգ է ստացվել, որ Սյունիքի մարզի Սիսիան քաղաքի Իշխանասարի խաչմերուկում տեղի է ունեցել ՃՏՊ. կա տուժած:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Սիսիան-Երևան ավտոճանապարհի 6 կմ-ին բախվել են «Ford tranzit» (վարորդ՝ Հաբեթ Ս.) և «Opel astra» (վարորդ՝ Արտուր Ա.) մակնիշների ավտոմեքենաները:
Մինչ փրկարարների կանչի վայր հասնելը՝ «Opel astra» մակնիշի ավտոմեքենայի ուղևորը (Մկրտիչ Գ. ծնված 1956 թ.) տեղի ուժերով դուրս է բերվել ավտոմեքենայից և հոսպիտալացվել Սիսիանի ԲԿ, որտեղ բժիշկները նրա առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել «Օpel astra» մակնիշի ավտոմեքենայի գազի բալոնի փականը:
