Բերդ քաղաքում փրկարարները մոլորված քաղաքացուն տուն են վերադարձրել
Օգոստոսի 3-ին, ժամը 22։55-ին, «911» ծառայությանն ահազանգ է ստացվել, որ ժամը 12:00-ի սահմաններում Տավուշի մարզի Բերդ քաղաքում քաղաքացի Ա.Մ.-ն տնից դուրս է եկել «Գյոլեր» կոչվող հանդամաս և չի վերադարձել. անհրաժեշտ է փրկարարների օգնությունը:
Կապ է հաստատվել մոլորված քաղաքացու հետ, ով հայտնել է, որ քնած է եղել և մթության պատճառով չի կարողացել վերադառնալ տուն: Դեպքի վայր է մեկնել ԱԻՆ ՓԾ հրշեջ-փրկարարական ջոկատի օպերատիվ խումբը: Փրկարարները մոլորված քաղաքացուն տուն են վերադարձրել:
