Ի՞նչ է հայտարարագրել Արայիկ Հարությունյանը եւ որքա՞ն են ավելացել նրա եկամուտները. «Փաստ»
«Փաստ» թերթը գրում է. «ՀՀ կրթության եւ գիտության նախարար Արայիկ Հարությունյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018թ. տարեկան հայտարարագիրը: Հանձնաժողովի պաշտոնական կայքում հրապարակված հայտարարագրի համաձայն՝ Հարությունյանը անշարժ եւ շարժական գույք չունի։
Նախարարը ներկայացրել է տվյալներ միայն դրամական միջոցների եւ եկամտի վերաբերյալ: 2018թ. հարկային տարվա սկզբում նրա դրամական միջոցը կազմել է 230 000 ՀՀ դրամ: Հարկային տարվա վերջում դրամական միջոցը կազմել է 1 431 633 ՀՀ դրամ:
Ա. Հարությունյանի եկամուտների հանրագումարը 2018թ. հարկային տարում կազմել է 7 716 582 ՀՀ դրամ: Նշված եկամտից 1 204 771 ՀՀ դրամը եւ 4 843 615 ՀՀ դրամը գոյացել են երկու աշխատավարձերից: Ստացված փոխառություններից (վարկեր) ստացած եկամուտներն էլ կազմել են 600 000 ՀՀ դրամ եւ 1 068 196 ՀՀ դրամ:
Ի տարբերություն 2018թ. տարեկան հայտարարագրի, ԿԳ նախարարի՝ 2018թ. պաշտոնը ստանձնելու հայտարարագրում առկա էր նաեւ բնակարան: Պաշտոնը ստանձնելու հայտարարագրում դրամական միջոցը կազմել էր 480 000 ՀՀ դրամ, եկամուտների հանրագումարը՝ 1 841 688 ՀՀ դրամ»:
Ամբողջությամբ կարող եք կարդալ թերթի այսօրվա համարում:
