Դաղստանում ձերբակալվել է 2010 թվականին Մոսկվայի մետրոյում ահաբեկչությանը մեղսակից հրոսակախմբի անդամը
Ռուսաստանի Անվտանգության դաշնային ծառայությունը (ԱԴԾ) Դաղստանում ձերբակալել է այն հրոսակախմբի մասնակցին, որն առնչություն ունի 2010 թվականին Մոսկվայի մետրոպոլիտենի «Լուբյանկա» եւ «Պարկ կուլտուրի» կայարաններում ահաբեկչական գործողությունների կազմակերպման հետ:
Մարտի 28-ին այս մասին ՏԱՍՍ-ին հայտնել են Ռուսաստանի Անվտանգության դաշնային ծառայության Հասարակական կապերի կենտրոնում։ ԱԴԾ-ում հիշեցրել են, որ հրոսակախմբի պարագլուխը ոչնչացվել է 2010 թվականին: Ձերբակալվածին տարել են Մոսկվա հետագա քննչական գործողություների անցկացման համար
: 2010 թվականի մարտի 9-ին մահապարտ կին ահաբեկիչները Մոսկվայում ահաբեկչական գործողություններ իրականացրեցին մետրոյի «Լուբյանկա» եւ «Պարկ կուլտուրի» կայարաններում: Այն ժամանակ երկու պայթյունի հետեւանքով զոհվեց 39 մարդ, տուժածների թիվը հասնում էր 128-ի:
