Ասենսիոն մերժել է «Տոտենհեմի» առաջարկը
Մադրիդի «Ռեալի» կիսապաշտպան Մարկո Ասենսիոն գրավել է «Տոտենհեմի» ուշադրությունը, հաղորդում է Sportwitness-ը՝ հղելով Marca թերթի լրագրող Ռոբերտո Գոմեսին:
Անգլիական ակումբը ցանկանում է ուժեղացնել իր կազմը ձմեռային տրանսֆերային պատուհանի ժամանակ, քանի որ ամռանը գնումներ չի կատարել:
22-ամյա իսպանացու տրանսֆերով հետաքրքրված է անձամբ գլխավոր մարզիչ Մաուրիսիո Պոչետինոն:
Ըստ աղբյուրի տեղեկության՝ «Տոտենհեմն» արդեն փորձել է բանակցություններ վարել, բայց Ասենսիոն մերժել է առաջարկը, քանի որ կարծում է, որ իր միակ նպատակը «Ռեալի» հետ հաջողությունների հասնելն է:
Պատրաստեց Անի Գաբուզյանը
