Ֆիլիպիններում երկրաշարժի զոհերի թիվը հասել է 32-ի
Ֆիլիպինների Մինդանաո կղզու ափերի մոտ 7,8 մագնիտուդով երկրաշարժի զոհերի թիվը հասել է 32-ի, վիրավորվել է 134 մարդ: Այս մասին հաղորդում է Reuters գործակալությունը՝ վկայակոչելով տեղական իշխանություններին:
Նրանց տվյալներով՝ մահացածների մեծ մասը դարձել են տների փլուզման և սողանքների զոհեր:
Տեղական իշխանությունները հայտնում են, որ Մինդանաոյի հյուսիսային և կենտրոնական մասերում վնասվել են տասնյակ շենքեր, այդ թվում՝ դպրոցներ, հիվանդանոցներ և բնակելի շենքեր: Տարհանվել է մոտ 10 000 մարդ:
Ավելի վաղ հաղորդվել էր 19 զոհի մասին։
