Երեկ երեկոյան ականատես եղա մի տեսարանի, որն ինձ շատ մտահոգեց. Նելլի Դուրյան
Ոստիկանության գնդապետ Նելլի Դուրյանը գրում է. «Երեկ երեկոյան ականատես եղա մի տեսարանի, որն ինձ շատ մտահոգեց։ Գինու փառատոնին եկել էին բազմաթիվ անչափահասներ` երևի 14-15 տարեկան, որոնք շրջում էին գինով լի բաժակները ձեռքերին։ Ինչ խոսք, լավ է, որ կազմակերպվում են նման միջոցառումներ, որոնք մարդկանց հոգսաշատ առօրյայից կտրելու միջոց են նաև:
Սակայն նման միջոցառումների ժամանակ անհրաժեշտ է ուշադիր լինել անչափահասների նկատմամբ, խստիվ արգելել նրանց ալկոհոլային խմիչքների վաճառքը։ Երբեմն աննշան թվացող երևույթները անչափահասների համար կարող են լինել ճակատագրական:
Հ.Գ. Մեր քաղաքացիներին հորդորում եմ անտարբեր չլինել անչափահասների նկատմամբ, իսկ ծնողներին` լինել առավել ուշադիր»:
