Մոսկվայի հայկական տաճարում Ցեղասպանության սուրբ նահատակների բարեխոսական կարգ է անցկացվել
Հայ առաքելական եկեղեցու Ռուսաստանի և Նոր Նախիջևանի թեմի առաջնորդ արքեպիսկոպոս Եզրաս Ներսիսյանը Մոսկվայի Հայ առաքելական եկեղեցու մայր տաճարում Հայոց ցեղասպանության սուրբ նահատակների բարեխոսական կարգ է անցկացրել։
Արարողության ժամանակ նա ընթերցել է Ամենայն հայոց կաթողիկոս Գարեգին II-ի ուղերձը։
«Ցեղասպանության ճանաչումը սրբազան ուխտ է և յուրաքանչյուր հայի հավատարմության գրավականը», – նշել է Եզրաս արքեպիսկոպոս Ներսիսյանը։
Հիշեցնենք` 1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։
Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Ռուսաստանը, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը, ԱՄՆ–ն։
