Հերթական PR ակցիան՝ նախագահական նստավայրում. Բացված չվերթերը մի անգամ էլ կբացեն
Ապրիլի 9-ին տեղեկություն տարածվեց, որ Հանրապետության նախագահ Վահագն Խաչատուրյանն ընդունել է պաշտոնական այցով Հայաստանում գտնվող Ղազախստանի արտաքին գործերի նախարար Երմեկ Կոշերբաևի գլխավորած պատվիրակությանը, և այդ հանդիպման ընթացքում քննարկվել են նաև ուղիղ ավիաչվերթերի վերականգնման հեռանկարները՝ շեշտելով, որ այդ քայլը կարող է էականորեն նպաստել մարդկանց միջև շփումների ակտիվացմանը, զբոսաշրջության զարգացմանը և գործարար կապերի ընդլայնմանը։
Տպավորություն է ստեղծվում, որ խոսքը նոր բանի մասին է, սակայն նույն գործարանը, հիվանդանոցը և այլ հետաքրքրություն ներկայացնող օբյեկտներ մի քանի անգամ բացող ու ժապավեն կտրող իշխանությունը, պարզվում է, այս հարցում էլ է նույն ինֆորմացիան տարբեր սոուսներով տարածում՝ փորձելով հերթական անգամ միավորներ հավաքել մարդկանց անտեղյակության վրա:
Բանն այն է, որ մեկ ամսից ավելի ժամանակ է, ինչ վաճառվում են Աստանա-Երևան և Ալմաթի-Երևան չվերթերի տոմսերը։
Ավելին, «Շիրակ Ավիա» ավիաընկերությունն ապրիլի 20-ից սկսում է իրականացնել Երևան-Աստանա թռիչքները:
Այնպես որ, ինչպես ամեն անգամ, այս անգամ ևս հնությունը որպես նոր ձեռքբերում է ներկայացվում հանրությանը, և սա անում է արդեն 8 տարի իշխանության ղեկին գտնվող քաղաքական ուժը:
