Խղճի մտո՞ք եք գործել… Ինձ խանգարում եք. Մնացական Մարտիրոսյանը փախավ
Սուրբ Աննա եկեղեցու միջադեպի գործով կիրակի ձերբակալված 18-ամյա Դավիթ Մինասյանը երկու ամսով կալանավորվեց: Դատարանը՝ Մնացական Մարտիրոսյանի նախագահությամբ, բավարարեց քննչականի միջնորդությունը։
Որոշումից ժամեր անց 168․am-ն առիթ ունեցավ աշխատանքային ժամին սեփական գործերով բանկ այցելած դատավորին հարցադրումներ ուղղելու։ Կարճ հարցուպատասխանը՝ ստորև․
– Ձեր խղճի մտո՞ք եք գործել։
– Դուք հիմա ինձ խանգարում եք։
– Գիտեք, չէ՞, որ այսօրվա Ձեր որոշմանն էմոցիոնալ են արձագանքել հանրային տարբեր շրջանակներ․ փաստացի դպրոցահասակ տղայի եք ազատությունից զրկել։
– Էս կարգի չի կարելի հետապնդել։
– Չե՛մ հետապնդում, ուղղակի հարցադրումներ եմ հնչեցնում, առիթ է ընձեռվել…
Ի դեպ, քիչ առաջ համացանցում հայտնվել են կադրեր, թե ինչպես է Նիկոլ Փաշինյանի թիկնապահներից մեկը եկեղեցում ուժեղ հարվածում դպրոցահասակ տղային, որին կալանքի տարան։
