Թալանել են մի շարք գործերով հայտնի փաստաբան Վահան Հովհաննիսյանի տունը

Մի շարք հնչեղ քրեական գործերով հայտնի փաստաբան Վահան Հովհաննիսյանի տունը թալանել են։ Sputnik Արմենիայի հետ զրույցում տեղեկությունը հաստատեց հենց ինքը՝ Հովհաննիսյանը։

Նրա խոսքով՝ դեպքը երեկ է տեղի ունեցել, քրեական վարույթ է նախաձեռնվել։ Այլ մանրամասներ փաստաբանը չցանկացավ հայտնել՝ նշելով, որ չի ցանկանում խանգարել նախաքննությանը։

Նշենք, որ Վահան Հովհաննիսյանը որպես պաշտպան է հանդես եկել մի շարք հնչեղ գործերով։ Նա 44-օրյա պատերազմում զոհված հերոսների հայրեր Գարիկ Գալեյանի, Արա Ռոստոմյանի պաշտպանն է։ Ներկայում նա Փարաքարի համայնքապետ Վալոդյա Գրիգորյանի և ոստիկանության ծառայող Կարեն Աբրահամյանի սպանության մեջ մեղադրվող Նարեկ Օհանյանի պաշտպանն է։