ԱՄՆ վարչակազմը նշել է Իրանի պոտենցիալ առաջնորդի անունը. Politico
Թրամփի վարչակազմը գնահատում է Իրանի խորհրդարանի խոսնակ Մոհամմադ Բաղեր Ղալիբաֆի հետ համագործակցության հնարավորությունը: ԱՄՆ-ն նրան դիտարկում է որպես քաղաքական բանակցությունների պոտենցիալ գործընկեր: Politico-ն այս մասին հաղորդել է մարտի 23-ին՝ հղում անելով պաշտոնյաներին:
«64-ամյա քաղաքական գործիչ Մոհամմադ Բաղեր Ղալիբաֆը, որը բազմիցս սպառնացել է ԱՄՆ-ին և նրա դաշնակիցներին պատասխան միջոցներով, Սպիտակ տանը առնվազն որոշ մարդկանց կողմից համարվում է խոստումնալից գործընկեր, որը կարող է առաջնորդել Իրանը և բանակցել Թրամփի վարչակազմի հետ պատերազմի հաջորդ փուլում», – նշվում է հոդվածում:
Թրամփը մարտի 23-ին հայտարարել է, որ ԱՄՆ զինված ուժերը ժամանակավորապես կդադարեցնեն Իրանի էլեկտրակայանների և էներգետիկ ենթակառուցվածքների վրա հարվածները՝ Վաշինգտոնի և Թեհրանի միջև բանակցությունների ֆոնին: Նա նաև հայտարարել է, որ ԱՄՆ-ն և Իրանը երկօրյա արդյունավետ բանակցություններ են վարել հակամարտությունը լուծելու համար:
Նույն օրը Իրանի արտաքին գործերի նախարարությունը կտրականապես հերքել է ցանկացած ենթադրյալ բանակցություն: Նախարարության տվյալներով՝ խաղաղության նախաձեռնությունները գալիս են միայն Մերձավոր Արևելքի երկրներից, և ամերիկացի առաջնորդի հայտարարությունները ռազմական գործողության համար «ժամանակ շահելու» փորձ են:
