«Ինտերը» դիտարկում է երեք խաղացողի, եթե Բաստոնին տեղափոխվի «Բարսելոնա»
«Ինտերը» դիտարկում է պաշտպան Ալեսանդրո Բաստոնիին վաճառելու հնարավորությունը, քանի որ ակումբը կարող է ստացված գումարը օգտագործել իր կազմը հզորացնելու համար: «Ներաձուրիները» խաղացողին, որի նկատմամբ հետաքրքրություն է ցուցաբերում «Բարսելոնան», գնահատում են 70 միլիոն եվրո, սակայն ակումբը կարծում է, որ այս գինը կարող է իջեցվել տրանսֆերային մի քանի տարբերակների միջոցով: Այս մասին հաղորդում է Sport.es-ը:
Աղբյուրի համաձայն՝ միլանյան ակումբը կազմել է երեք խաղացողների ցուցակ, որոնք կարող են փոխարինել Բաստոնիին, եթե նա հեռանա: Հավանական փոխարինողների թվում են Ալեսանդրո Բուոնջորնոն («Նապոլի»), Էվան Ն’Դիցկան («Ռոմա») և Ջոն Լուկումին («Բոլոնիա»):
Նշվում է, որ «կապտանռնագույնները» կարող են Բաստոնիի հնարավոր գործարքում ներառել իրենց խաղացողներից մեկին:
