Պուտինը խոստում է տվել Կիմ Չեն Ընին
Հյուսիսային Կորեայի առաջնորդ Կիմ Չեն Ընին բարձրագույն պետական պաշտոնում վերընտրվելու կապակցությամբ շնորհավորական ուղերձում Ռուսաստանի նախագահ Վլադիմիր Պուտինը խոստացել է շարունակել զարգացնել գործընկերային հարաբերությունները Հյուսիսային Կորեայի հետ։ Տեքստը հասանելի է Կրեմլի կայքում։
«Ռուսաստանը բարձր է գնահատում Ձեր անձնական ներդրումը մեր երկրների միջև բարեկամական և դաշնակցային կապերի ամրապնդման գործում։ Եվ մենք, իհարկե, կշարունակենք սերտորեն համագործակցել Մոսկվայի և Փհենյանի միջև համապարփակ ռազմավարական գործընկերության հետագա զարգացման համար»,- ասվում է ուղերձում։
Ռուսաստանի նախագահն ընդգծել է, որ Կիմ Չեն Ընի վերընտրությունը ԿԺԴՀ նախագահի պաշտոնում ցույց է տալիս նրա քաղաքականության նկատմամբ հանրային միաձայն աջակցությունը։
