«Փյունիկի» հարձակվողը տեղափոխվեց լիտվական «Ժալգիրիս»
Ֆուտբոլի Հայաստանի չեմպիոն «Փյունիկի» եւ Լիտվայի հավաքականի 25-ամյա հարձակվող Մատաս Վարեյկան մինչեւ տարվա վերջ, վարձակալական հիմունքներով, կարիերան կշարունակի Լիտվայի «Ժալգիրիս» ակումբում։ Այս մասին հայտնում է ակումբի մամուլի ծառայությունը:
Ֆուտբոլիստն այս մրցաշրջանում՝ «Փյունիկի» կազմում, անցկացրել է 17 պաշտոնական հանդիպում։
Մատասը հանդես է եկել շնորհակալական խոսքով` «Ժալգիրիս» տեղափոխությունից առաջ`
«Ցանկանում եմ շնորհակալություն հայտնել նրանց, ովքեր տվել են հնարավորություն ներկայացնելու «Փյունիկի» նման լեգենդար ակումբը:
Բոլոր երկրպագուներին ցանկանում եմ հայտնել շնորհակալություն` ջերմության և սիրո համար, որը զգացել եմ նրանց կողմից:
Ես լավագույնն եմ մաղթում թիմին այս մրցաշրջանում: Չեմ ասում հաջողություն, այլ` շուտով կհանդիպենք»,- ասել է Մատաս Վարեյկան :
