ՄԱԿ-ում Իրանի ներկայացուցիչը հայտնել է Բեյրութում Իսրայելի հարվածի հետևանքով չորս դիվանագետի զոհվելու մասին
Մարտի 8-ի առավոտյան Բեյրութի վրա Իսրայելի հասցրած ավիահարվածի հետևանքով զոհվել են չորս իրանցի դիվանագետներ։ Այս մասին ՄԱԿ-ում Իրանի մշտական ներկայացուցիչ Ամիր Սաիդ Իրավանին հայտարարել է գլխավոր քարտուղար Անտոնիո Գուտերեշին ուղղված նամակում։
«2026 թվականի մարտի 8-ի կիրակի առավոտյան Իսրայելի ռեժիմը Բեյրութի «Ռամադա» հյուրանոցում իրականացրել է դիտավորյալ ահաբեկչական հարձակում, որի հետևանքով զոհվել են Իրանի Իսլամական Հանրապետության չորս դիվանագետներ», -ասվում է ՏԱՍՍ-ի կողմից ձեռք բերված նամակում։
