Վրաստանի ճանապարհային վճարից ստացված եկամուտը նվազել է, միջազգային բեռնատար ավտոմեքենաների քանակը՝ նույնպես
2026 թվականի հունվարին Վրաստանի ֆինանսների նախարարությունը ճանապարհների օգտագործման վճարից (հատուկ վճար է, որը գանձվում է Վրաստանի տարածքով անցնող տրանզիտային (տարանցիկ) բեռնատարներից) ստացել է 10 մլն 976 հազար 357 լարիի եկամուտ, ինչը նախորդ տարվա նույն ժամանակահատվածի համեմատ պակաս է 19%-ով կամ 2.6 միլիոն լարիով։
Հաշվի առնելով, որ յուրաքանչյուր բեռնատար (տրեյլեր) վճարում է 350 լարի ճանապարհային վճար, հունվարին Վրաստանը հատել է 31 հազար 300 բեռնատար։ Բեռնատարների քանակը տարեկան կտրվածքով նվազել է 7.6 հազարով։
Բեռնատարների տարանցումից բյուջե մտնող ընդհանուր տարեկան եկամուտը նվազում է արդեն երրորդ տարին անընդմեջ։
Ճանապարհների վճարն ըստ տարիների.
2022 թվական -128 մլն լարի
2023 թվական-181.9 մլն լարի
2024 թվական-179.4 մլն լարի
2025 թվական -171.2 մլն լարի
(աղբյուր՝ Պետական գանձապետարան)
2025 թվականին Վրաստանի ճանապարհներից օգտվել է 489 հազար 391 միջազգային բեռնատար ավտոմեքենա։ 2024 թվականին բեռնատարների քանակը 512 հազար 665 էր։
