Վահագն Խաչատուրյանն ընդունել է Ջեյ Դի Վենսին
Հայաստանի Հանրապետության նախագահ Վահագն Խաչատուրյանը հանդիպել է պաշտոնական այցով Հայաստան ժամանած ԱՄՆ փոխնախագահ Ջեյ Դի Վենսի հետ՝ հայտնում են ՀՀ նախագահի աշխատակազմից և մանրամասնում, որ նախագահը ողջունել է փոխնախագահի այցը: Նա ընդգծել է՝ այցն արտացոլում է Հայաստանի և Միացյալ Նահանգների միջև հարաբերությունների բարձր մակարդակը։
Հանդիպման ընթացքում Հանրապետության նախագահը կարևորել է տարածաշրջանում խաղաղության հաստատման փաստը, որում մեծ ավանդ ունի ԱՄՆ նախագահ Թրամփը:
Շեշտվել է, նաև, որ բարձրաստիճան փոխայցելությունները նպաստում են համագործակցության ընդլայնմանը և երկկողմ հարաբերությունների հետագա ամրապնդմանը։
