Մասկը բացահայտել է SpaceX-ի եկամտի հիմնական աղբյուրը
Ամերիկացի ձեռնարկատեր Իլոն Մասկը հայտարարել է, որ իր SpaceX ընկերությունն այս տարի իր եկամտի մեծ մասը կստանա Starlink արբանյակային ինտերնետային կապի համակարգից, մինչդեռ Ամերիկյան տիեզերական գործակալության (NASA) եկամուտը կկազմի միայն 5%։
«Ես սիրում եմ NASA-ն, բայց SpaceX-ի եկամտի նրանց բաժինը այս տարի կկազմի ընդամենը մոտ 5%: SpaceX-ի եկամտի մեծ մասը գալիս է Starlink առևտրային համակարգից»,- գրել է Մասկը X սոցիալական ցանցի իր էջում:
Starlink-ը SpaceX-ի կողմից շահագործվող արբանյակային ցանց է, որը նախատեսված է մոլորակի ցանկացած վայրում լայնաշերտ ինտերնետ հասանելիություն ապահովելու համար: Ընկերության տվյալներով՝ 2019 թվականից ի վեր ուղեծիր է դուրս բերվել ավելի քան 7800 արբանյակ, և օգտատերերի թիվը գերազանցել է վեց միլիոնը ավելի քան 100 երկրներում, իսկ անցյալ տարվա ընթացքում ցանցին միացել է 42 նոր երկիր:
