Բացահայտվել է՝ ինչպես է քնի մեջ գոռալն ու ծիծաղելն ազդում ուղեղի առողջության վրա
Սեուլի ազգային համալսարանի Բունդանգ հիվանդանոցի հետազոտողները պարզել են, որ քնի ընթացքում գոռալն ու ծիծաղելը կարող են ազդարարել ճանաչողական ունակությունների վատթարացման մասին: Ուղեղի առողջության վրա քնի ազդեցության վերաբերյալ նրանց ուսումնասիրության արդյունքները հրապարակվել են Korea Herald պարբերականում։
Հիվանդանոցում բժիշկները դիտարկել են պացիենտների, որոնք ունեն քնի վարքային խանգարում՝ պարասոմնիա, ինչի ընթացքում մարդը կարող է շարժվել քնի մեջ, գոռալ, ծիծացել, կարող է անգամ վնասել ինքն իրեն:
Բժիշկները պարզել են, որ այս հիվանդների մոտ սովորաբար նկատվում է ճանաչողական համակարգի զգալի անկում: Սա կարող է հանգեցնել նեյրոդեգեներատիվ հիվանդությունների, ինչպիսիք է Պարկինսոնի հիվանդությունը:
Ուսումնասիրությունը պարզել է, որ տղամարդիկ ցուցաբերել են ավելի լայն ֆունկցիոնալ խանգարումներ, որոնք ուղեկցվել են ուշադրության և աշխատանքային հիշողության զգալի անկմամբ, ի տարբերություն կանանց:
