Ռադայում 2026 թվականը հայտարարել են Ռուսաստանի՝ միջազգային սպորտ վերադառնալու տարի

Ուկրաինայի Գերագույն ռադայի պատգամավոր և հունահռոմեական ոճի ըմբշամարտի օլիմպիական չեմպիոն Ժան Բելենյուկը Տելեգրամի իր ալիքում անդրադարձել է ռուս մարզիկների՝ միջազգային մրցումներ վերադառնալուն:

Նրա խոսքով՝ 2026 թվականը կդառնա Ռուսաստանի՝ միջազգային սպորտ վերադառնալու տարի։ «Արդարացի՞ է արդյոք։ Ոչ, արդար չէ։ Բայց դա քաղաքականություն է։ Եվ մենք վաղուց հասկացել ենք, որ սպորտը քաղաքականության անբաժանելի մասն է, և այդ մասը միշտ չէ, որ արդար է»,- հայտարարել է Բելենյուկը։

2026 թվականի Ձմեռային օլիմպիական խաղերը կանցկացվեն փետրվարի 6-ից 22-ը։

2022 թվականի փետրվարի վերջին մարզական կազմակերպությունների մեծ մասը ՄՕԿ-ի առաջարկությամբ հեռացրեց ռուս մարզիկներին մրցումներից։ Որոշ մարզիկների թույլատրվեց մրցել համաշխարհային ասպարեզում առանց դրոշի, մինչդեռ մյուսները փոխեցին իրենց քաղաքացիությունը և ներկայացրին այլ երկրներ։