Հրադադшրից հետո Ուկրաինայում կարող են տեղակայվել hազարավոր ֆրանսիացի զինվորականներ. Մակրոն
Հազարավոր ֆրանսիացի զինվորներ կարող են տեղակայվել Ուկրաինայում հրադադարից հետո՝ խաղաղությունը պահպանելու համար, հայտարարել է Ֆրանսիայի նախագահ Էմանուել Մակրոնը երեկ Փարիզում կայացած «Կամավորների կոալիցիայի» գագաթնաժողովին։
«Խաղաղության համաձայնագրի ստորագրումից հետո մենք ցանկանում ենք, նախ, տրամադրել պատկերներ և հսկողության տվյալներ, երկրորդ՝ մենք կմասնակցենք ուկրաինական բանակի վերականգնմանը, և երրորդ՝ մենք ցույց ենք տվել մեր պատրաստակամությունը տեղակայվելու այս բազմազգ ուժերի կազմում։ Սա այն ուժը չէ, որի համար մենք պարտավորվում ենք մասնակցել մարտական գործողություններին։ Սա աջակցության ուժ է խաղաղության համաձայնագրի ստորագրումից հետո», – նշել է Մակրոնը։
Նրա խոսքով՝ Թուրքիան պատրաստ է ստանձնել Ուկրաինայի անվտանգության երաշխիքների ծովային բաղադրիչի պատասխանատվությունը, իսկ Միացյալ Նահանգները կստանձնի հրադադարի պահպանման մոնիթորինգի առաջատար դերը։
