Մուկը` Թուրքիայի հրուշակեղենի խանութում. «Սա Հնդկաստանը չէ»
Թուրքիայի արևմտյան հատվածում գտնվող Իզմիր նահանգի Բուջա շրջանում գտնվող հրուշակեղների խանութում ուշագրավ իրադարձություն է տեղի ունեցել: Այս մասին տեղեկացնում է ermenihaber.am-ը։
Հաճախորդները տեսանկարահանել են, թե ինչպես է մուկը հայտնվում ցուցափեղկում և ուտում ցուցադրման դրված խմորեղենները։
Այս դեպքը մեծ ուշադրության է արժանացել սոցցանցերում, որտեղ էլ մի շարք օգտատերեր խստորեն դատապարտել և քննադատել են այն: Նրանց մի մասն ընդգծել է, որ սննդամթերքի վաճառքով զբաղվող բիզնեսները պիտի ավելի ուշադիր և արդյունավետ վերահսկվեն, իսկ որոշ օգտատերեր էլ պատկան մարմիններին աշխատելու են կոչ արել:
Թուրքական մեդիան տեղի ունեցածին անդրադարձել է հիմնականում հետևյալ վերնագրով. «Սա ոչ թե Հնդկաստանն է, այլ Թուրքիան: Մարդկանցից առաջ մուկն է կերել թխվածքը»:
