Ռուսաստանը և Իրանը համագործակցության հատուկ կարգավիճակ են ամրագրել. Լավրով
Ռուսաստանի և Իրանի միջև Համապարփակ ռազմավարական գործընկերության համաձայնագիրը ամրագրում է երկու երկրների միջև համագործակցության հատուկ կարգավիճակը և հաջորդ 20 տարիների համար սահմանում է ուղենիշներ բոլոր ոլորտներում: Այս մասին չորեքշաբթի օրը հայտարարել է Ռուսաստանի արտաքին գործերի նախարար Սերգեյ Լավրովը։
«Համապարփակ ռազմավարական գործընկերության համաձայնագրի ստորագրումը և ուժի մեջ մտնելը, որը ամրագրում է մեր համագործակցության հատուկ կարգավիճակը և առաջիկա 20 տարիների համար սահմանում է ուղենիշներ բոլոր ոլորտներում, այս տարվա գլխավոր և ամենանշանակալից իրադարձությունն էր մեր հարաբերություններում», – ասել է Լավրովը Մոսկվայում Իրանի արտաքին գործերի նախարար Աբբաս Արաղչիի հետ հանդիպման ժամանակ։
Նա նաև հայտարարել է, որ չորեքշաբթի օրը առաջին անգամ կստորագրվի Ռուսաստանի և Իրանի արտաքին գործերի նախարարությունների միջև 2026-2028 թվականների համար խորհրդակցությունների ծրագիրը։
