Թուրքիան սոցիալական վստահության ամենացածր մակարդակ ունեցող երկրներից է
Միջազգային «Pew Research Center» հետազոտական ընկերությունը 25 երկրում սոցհարցում է իրականացրել սոցիալական վստահության վերաբերյալ։ Այս մասին տեղեկացնում է ermenihaber.am-ը։
Հետազոտությունը ցույց է տվել, որ սոցիալական վստահությունը սերտորեն կապված է տնտեսական բարեկեցության և կրթական մակարդակի հետ։
Ըստ հետազոտության արդյունքների՝ Շվեդիան սոցիալական վստահության ամենաբարձր մակարդակ ունեցող երկրների շարքում առաջատար է։ Շվեդիայում մեծահասակների 83%-ը նշել է, որ մարդկանց մեծ մասին կարելի է վստահել։ Նիդերլանդները, Գերմանիան և Միացյալ Թագավորությունը նույնպես առաջատարների թվում են՝ իրենց բարձր վստահության մակարդակով։
Սոցիալական վստահության ամենացածր մակարդակը գրանցվել է Թուրքիայում։ Մեծահասակների 84%-ը նշել է, որ մարդկանց մեծամասնությանը չի կարելի վստահել։ Դա Թուրքիային դասում է սոցիալական վստահության ամենացածր մակարդակ ունեցող երկրների շարքին՝ Մեքսիկայի, Քենիայի և Բրազիլիայի հետ մեկտեղ։
