Եվրամիությունն առաջին անգամ պատժամիջոցներ է կիրառել ԱՄՆ քաղաքացու նկատմամբ
Եվրամիությունն առաջին անգամ պատժամիջոցներ է կիրառել ԱՄՆ քաղաքացու նկատմամբ՝ թիրախավորելով Ֆլորիդայի նախկին փոխշերիֆ Ջոն Մարկ Դուգանին։ Այս մասին ասվում է EU Journal-ում հրապարակված Եվրոպական Միության խորհրդի բանաձևում։
Պատժամիջոցները կիրառվել են, քանի որ պաշտոնյան աջակցել է Ռուսաստանի գործողություններին Ուկրաինայում։
«Նա (Դուգանը) հրապարակայնորեն մեղադրվում է Կրեմլի օգտին առցանց թվային տեղեկատվական գործողություններին մասնակցելու մեջ», – նշվում է փաստաթղթում։
ԵՄ-ն պնդում է, որ նախկին պաշտոնյան ներկայումս ունի և՛ ԱՄՆ, և՛ Ռուսաստանի քաղաքացիություն։
