Ո՞ւր է մեր եղբայրը… չգիտենք… նահատակվե՞լ է, գերեվարվա՞ծ է…Սպասում ենք Աստծո հրաշքին և նրա վերադարձին… . Հայր Զաքարիա
Մայր Աթոռի միաբան Հայր Զաքարյան Ֆեյսբուքի իր էջում գրում է. «Այսօր Մայր Աթոռ Ս․ Էջմիածնի զինվորյալ միաբան Հոգշ․ Տ․ Մկրտիչ աբղ․ Կարապետյանի ծննդյան օրն է։
Հայր Սուրբը պատերազմի առաջին իսկ օրը մեկնեց Արցախ՝ զենքը ձեռքին մյուս հոգևորականների հետ Հայրենիքը պաշտպանելու համար։ Նա գնաց քաջ նախնիների կանչով ու դարձավ շատերի ոգեշնչման աղբյուրը և փրկօղակը:
Ո՞ւր է մեր եղբայրը… չգիտենք… նահատակվե՞լ է, գերեվարվա՞ծ է…: Սպասում ենք Աստծո հրաշքին և նրա վերադարձին… Թող Աստված պահապան լինի Բաքվի բանտերում հայտնված Արցախի ռազմաքաղական ղեկավարությանը, ռազմագերիներին ու անհետ կորածներին»։
