ԱՄՆ-ում բացահայտել են Թրամփի և Մադուրոյի հնարավոր հանդիպման մանրամասները
ԱՄՆ նախագահ Դոնալդ Թրամփը քննարկել է իր վենեսուելացի գործընկեր Նիկոլաս Մադուրոյի հետ հանդիպման հնարավորությունը: Այս մասին հաղորդում է The New York Times-ը՝ հղում անելով աղբյուրներին։
Ըստ թերթի՝ երկու առաջնորդները քննարկել են հանդիպման հնարավորությունը անցյալ շաբաթ ԱՄՆ պետքարտուղար Մարկո Ռուբիոյի մասնակցությամբ տեղի ունեցած հեռախոսազրույցի ժամանակ։ Բանակցությունները, ենթադրաբար, կարող են տեղի ունենալ Միացյալ Նահանգներում, սակայն դեռևս ծրագրեր չկան:
Սպիտակ տան մամուլի ծառայությունը հրաժարվել է մեկնաբանել հրապարակումը։ Վենեսուելայի կառավարությունը չի արձագանքել մանրամասների հարցմանը։
