Իսպանիան լուրջ չի ընդունում Թրամփի սպառնալիքները․ Politico
Իսպանիայի իշխանությունները և ՆԱՏՕ-ի պաշտոնյաները լուրջ չեն ընդունում ԱՄՆ նախագահ Դոնալդ Թրամփի սպառնալիքները, ըստ որի պետք է պատժել Մադրիդին՝ ռազմական ծախսերը չավելացնելու համար։ Այս մասին հայտնել է Politico թերթը՝ հղում անելով դաշինքի ներկայացուցչին։
«Սպառնալիքը լուրջ չի ընդունվում ռազմական շրջանակներում։ Իսպանացիները հանգիստ են արձագանքում», – պարբերականին հայտնել է աղբյուրը։
Politico-ն նշում է, որ Թրամփի հռետորաբանությունը Իսպանիայի նկատմամբ գնալով ավելի է խստանում՝ պաշտպանական ծախսերն ավելացնելու վերաբերյալ Մադրիդի կողմից հնչած հրաժարականի պատճառով, ինչը հակասում է Եվրոպայի՝ ԱՄՆ ռազմական հզորությունից կախվածությունը նվազեցնելու ամերիկյան ղեկավարի ծրագրերին։ Սպիտակ տան մամուլի քարտուղարի տեղակալ Աննա Քելլին պարբերականին հայտնել է, որ ԱՄՆ նախագահը դեռ «մտածում է իսպանական իշխանությունների որոշման տնտեսական հետևանքների մասին»։ «Մինչ ՆԱՏՕ-ի մյուս բոլոր դաշնակիցները համաձայնել են պաշտպանական ծախսերն ավելացնել մինչև (ՀՆԱ-ի) 5%, Իսպանիան միակ երկիրն էր, որը հրաժարվեց», – նշել է նա։
Հոկտեմբերի 14-ին ԱՄՆ նախագահ Դոնալդ Թրամփը հայտարարել է Իսպանիայի հետ երկկողմ առևտրում ներմուծման մաքսատուրքեր սահմանելու հնարավորության մասին՝ ՆԱՏՕ-ի շրջանակներում ծախսերի շուրջ եղած տարաձայնությունների պատճառով։ Ավելի վաղ ամերիկյան առաջնորդը նաև ենթադրել էր, որ թագավորությունը, հավանաբար, պետք է բացառվի ՆԱՏՕ-ի կազմից՝ Վաշինգտոնի կողմից անբավարար համարվող ռազմական ծախսերի պատճառով:
