Թրամփը եռօրյա այցով կմեկնի Ճապոնիա
ԱՄՆ նախագահ Դոնալդ Թրամփը հոկտեմբերի 27-ից 29-ը կայցելի Ճապոնիա։ Այս մասին մամուլի ասուլիսում հայտարարել է կաբինետի գլխավոր քարտուղար Մինորու Կիհարան, հաղորդում է ՏԱՍՍ-ը։
Կիհարան նաև հայտարարել է, որ իր այցի ընթացքում Թրամփը, ինչպես սպասվում է, բանակցություններ կվարի Ճապոնիայի նոր վարչապետ Սանաե Տակաիչիի հետ և հանդիպում կունենա կայսր Նարուհիտոյի հետ։
Սա Թրամփի առաջին այցը կլինի Ճապոնիա իր երկրորդ ժամկետի ընթացքում։
Հիշեցնենք, որ հուլիսին Դոնալդ Թրամփը հայտարարել էր Ճապոնիայի հետ «հնարավոր է՝ ամենամեծ» առևտրային գործարքի կնքման մասին։
