Նիդեռլանդների գլխավոր օդանավակայանում ավելի քան 150 չվերթ է չեղարկվել՝ «Էմի» փոթորկի պատճառով
Շաբաթ օրը Նիդեռլանդների Սխիպհոլի օդանավակայանում առնվազն 80 ժամանող և ավելի քան 70 մեկնող չվերթ է չեղարկվել։ Պատճառը այն է, որ «Էմի» փոթորիկը հարվածել է ամբողջ երկրին, այս մասին հաղորդում է Reuters-ը։
«Նիդերլանդների թագավորական օդերևութաբանական ինստիտուտը (KNMI) նախազգուշացում է տարածել «Էմի» փոթորկի վերաբերյալ, որի պոռթկումները Նիդերլանդների ափամերձ գոտում հասնում են 90 կմ/ժ-ի, իսկ երկրի ներքին շրջաններում՝ մինչև 75 կմ/ժ-ի», – հաղորդում է Reuters-ը։
Ավելի վաղ Մեծ Բրիտանիայում մերձքաղաքային գնացքների ուղևորներին նախազգուշացրել էին Էմի փոթորկի պատճառով տեղաշարժման զանգվածային խափանումների հնարավորության մասին:
