Հունաստանը կշարունակի մնալ Իսրայելի դաշնակիցը
Հունաստանը կմնա Իսրայելի դաշնակիցը՝ չնայած Գազայի հատվածում շարունակվող ռազմական գործողություններին: Այս մասին, ինչպես գրում է РИА Новости-ն, հայտարարել է Հունաստանի արտաքին գործերի նախարարության խոսնակ Լանա Զոխիուն։
Սեպտեմբերի սկզբին Հունաստանի վարչապետ Կիրիակոս Միցոտակիսը, ելույթ ունենալով ՄԱԿ-ի Գլխավոր ասամբլեայում, հայտարարել էր, որ Իսրայելի ագրեսիվ գործողությունները կզրկեն նրան միջազգային աջակցությունից և կօտարացնեն մնացած դաշնակիցներից:
«Մենք ռազմավարական գործընկերություն ունենք Իսրայելի հետ, որն անպայման ցանկանում ենք պահպանել»,- ասել է ԱԳՆ խոսնակը ճեպազրույցի ժամանակ՝ պատասխանելով լրագրողի հարցին: Վերջինիս խոսքերը հրապարակվել են Հունաստանի արտաքին գործերի նախարարության կայքում։
