Թուրքիայում ավտոստոպով ճամփորդող զբոսաշրջուհին ենթարկվել է սեռական ոտնձգության
Թուրքիայում ավտոստոպով շրջագայելու փորձ արած օտարերկրացի աղջիկը պատմել է, որ ենթարկվել է սեռական ոտնձգության։ Այս մասին տեղեկացնում է ermenihaber.am-ը։
Նրա խոսքով՝ ճանապարհին կանգնած և իրեն վերցրած մեքենայի մեջ, վարորդից բացի, եղել է նաև մի տղամարդ, ով է բռնի ուժով համբուրել իրեն։
Օտարազգի զբոսաշրջիկը, հեռախոսով նկարահանելով այդ միջադեպը, դժգոհություն է հայտնել և շեշտել․
«Նման բան ուրիշ ոչ մի երկրում ինձ հետ չի պատահել»։
Տեսանյութը լայն տարածում է գտել սոցիալական ցանցերում և առաջացրել մեծ քննադատություն։
Սոցցանցերի բազմաթիվ օգտատերեր ուշադրություն են հրավիրել Թուրքիայում տուրիստների անվտանգության խնդրի վրա և շեշտել օտարերկրացիների համար ռիսկերը նվազեցնելու անհրաժեշտությունը։
