Ռուսաստանը կշարունակի հարգել Չարլի Քըրքի հիշատակը․ Պուտինի հատուկ ներկայացուցիչ
Ռուսաստանը կշարունակի հարգել մահափորձի հետևանքով զոհված ամերիկացի քաղաքական ակտիվիստ Չարլի Քըրքի հիշատակը։ Այս մասին ձեռնարկատեր Իլոն Մասկին ասել է Ռուսաստանի ուղղակի ներդրումների հիմնադրամի (RDIF) ղեկավար և Ռուսաստանի նախագահի արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ Կիրիլ Դմիտրիևը, փոխանցում է «ՌԻԱ Նովոստի»-ն։
Մասկը սոցիալական ցանցերում գրել է, որ Քըրքի հիշատակը ողջ է։ Ամերիկացի միլիարդատերը նշել է, որ դեռ չի կարողանում հավատալ ակտիվիստի մահվանը։
«Չարլի Քըրքի և նրա ժառանգության հիշատակը շարունակում է ապրել ամբողջ աշխարհում։ Եվ Ռուսաստանում մենք կշարունակենք հարգել նրա հիշատակը և ապահովել Լույսի և ճշմարտության համար պայքարի նրա ժառանգության շարունակականությունը», – գրել է Դմիտրիևը՝ ի պատասխան Մասկի գրառման։
