Իրանը մահապատժի է ենթարկել Իսրայելի օգտին լրտեսության համար մեղադրվող տղամարդու
Իրանում մահապատժի է ենթարկվել Բաբակ Շահբազի անունով մի տղամարդ, որը մեղադրվում էր Իսրայելի ազգային հետախուզական ծառայության՝ «Մոսադ»-ի օգտին լրտեսություն անելու և հետախուզական համագործակցության համար։ Այս մասին հայտնում է Tasnim գործակալությունը։
Տեղեկությունների համաձայն՝ Շահբազին, որը տեղեկություն էր փոխանցում իսրայելական կողմի հետ կապված անձանց, մահապատժի է ենթարկվել սեպտեմբերի 17-ի առավոտյան՝ իրավական ընթացակարգերի ավարտից և Գերագույն դատարանի կողմից դատավճռի վավերացումից հետո։
Բաբակ Շահբազին աշխատել է որպես կապալառու արդյունաբերական սառեցման սարքավորումների նախագծման և տեղադրման ոլորտում և գործունեություն է ծավալել ընկերությունների հետ, որոնք կապված են հեռահաղորդակցության, ռազմական և անվտանգության կազմակերպությունների ու կենտրոնների հետ։
