Չինաստանը քննադատել է Մեծ Բրիտանիային
Լոնդոնում Չինաստանի դեսպանատունը հանդես է եկել Մեծ Բիրտանիայի կողմից սահմանված նոր պատժամիջոցների դեմ։ Դիվանագիտական առաքելության հայտարարությունը հաղորդում է РИА Новости-ն։
«Այս պատժամիջոցները միակողմանի գործողություններ են, որոնք որևէ հիմք չունեն միջազգային իրավունքում, դրանք խաթարում են չինական ձեռնարկությունների օրինական իրավունքներն ու շահերը։ Չինաստանը կտրականապես դեմ է նման միջոցառումներին»,- հայտարարել է դեսպանատունը։
Ավելի վաղ Ֆրանսիայի, Գերմանիայի, Մեծ Բրիտանիայի արտաքին գործերի նախարարությունների ղեկավարները և Եվրամիության ղեկավարությունը հայտարարել էին Իրանի դեմ «պատժամիջոցների անհապաղ վերադարձ» (snapback) մեխանիզմի գործարկման մասին։
