ԱՄՆ-ում երկու ահասարսուռ դեպքեր են տեղի ունեցել. Հովհաննես Ավետիսյան
Տնտեսագետ, պետական կառավարման մասնագետ Հովհաննես Ավետիսյանը գրում է. «Երեկ ԱՄՆ-ում երկու ահասարսուռ դեպքեր են տեղի ունեցել:
Սահմռկեցուցիչը՝ մի տղամարդ ավտոբուսի մեջ դիմացի նստած աղջկան դանակով հարվածում է վզին, սա վախից կուչ է գալիս, ընկնում նստարանների արանքն ու արյունաքամ լինելով մահանում:
Սահմռկեցուցիչ է ոչ միայն այս տեսարանի մասով (տեսանյութեր կան), այլ նաև համատարած անտարբերության, քանի որ շուրջը լիքը մարդ, նույն ավտոբուսի կողքի նստարաններին նստած, իր մոտով անցնող և ոչ ոք, ոչ ոք որևէ օգնություն չի ցուցաբերում:
Երկրորդը. նախընտրական ելույթի ժամանակ կրակելով սպանում են երիտասարդ քաղաքական գործչի՝ անհայր թողելով երկու անչափահաս երեխայի:
Այս երկու դեպքում էլ ամերիկյան հանրության ճնշող մեծամասնությունը՝ դատելով օնլայն տարբեր հարթակների ակտիվությունից, պահանջում է մահապատժի ենթարկել այս հանցանքները գործածներին:
Ով տեղյակ չէ, ԱՄՆ 50 նահանգներից 27-ում մահապատիժը որպես պատժամիջոց դեռ կիրառելի է նման դեպքերի, նաև դավաճանությունների պարագայում:
Հայաստանում նույնպես նմանատիպ դեպքերը պետք է հանրության կողմից առավելագույն պատժի արժանանան»:
